Home >> News >> ᐊᕐᕕᐊᑦ ᐱᕙᓪᓕᐊᔪᓕᕆᔨᐅᔪᖅ ᓂᕈᐊᖅᑕᐅᔪᖅ ᐱᕙᓪᓕᐊᔪᓕᕆᔨᐅᔪᒧᑦ ᐊᕐᕌᒍᒥᑦ

ᐊᕐᕕᐊᑦ ᐱᕙᓪᓕᐊᔪᓕᕆᔨᐅᔪᖅ ᓂᕈᐊᖅᑕᐅᔪᖅ ᐱᕙᓪᓕᐊᔪᓕᕆᔨᐅᔪᒧᑦ ᐊᕐᕌᒍᒥᑦ

ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᓐᓂ ᑲᑐᔾᔨᖃᑎᒌᖑᔪᑦ ᑲᑎᒪᔨᖏᑦ ᖁᕕᐊᑉᐳᑦ ᐅᖃᐅᓯᖃᕐᓂᕐᒥᑦ ᑮᑦ ᑳᓕᐅᕐ, ᓄᓇᓕᖕᓂ ᐱᕙᓪᓕᐊᔪᓕᕆᔨᐅᔪᖅ ᐊᕐᕕᐊᓄᑦ, ᓂᕈᐊᖅᑕᐅᓯᒪᓂᖓᓂ ᓄᓇᕘᑉ ᐱᕙᓪᓕᐊᔪᓕᕆᔨᐅᓂᖓᓂ ᐊᕐᕌᒍᒥ 2013-ᒧᑦ.

 

ᑮᑦ ᑳᓕᐅᕐ ᓄᓇᓕᖕᓂ ᐱᕙᓪᓕᐊᔪᓕᕆᔨᐅᓯᒪᕗᖅ ᓄᓇᓕᖕᓄᑦ ᐊᕐᕕᐊᕐᓂᑦ ᑕᐃᒪᙵᓂ ᔭᓄᐊᕆ 2012-ᒥᑦ. ᑲᑎᒪᔨᐅᖃᑕᐅᓯᒪᒋᕗᖅ ᑭᓗᒃ ᓕᒥᑎᑦᑯᓐᓄᑦ ᑕᐃᒪᙵᓂ 2012-ᒥᑦ ᐊᒻᒪᓗ ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᓐᓂ ᑲᑐᔾᔨᖃᑎᒌᖑᔪᓂᑦ ᑕᐃᒪᙵᓂ 2013-ᒥᑦ. ᐃᓚᒋᔭᐅᓯᒪᒋᕗᖅ ᐋᖅᑭᒃᓱᐃᓂᕐᒧᑦ ᑲᑎᒪᔨᕋᓛᓂᑦ ᑭᕙᓪᓕᖅ ᐱᓕᕆᐊᖑᔪᓄᑦ ᑕᑯᒃᓴᐅᑎᑦᑎᓂᐅᔪᒥᑦ ᑕᐃᒪᙵᓂ 2012-ᒥᑦ ᐊᒻᒪᓗ ᒫᓐᓇᐅᔪᒥ ᐃᒃᓯᕙᐅᑕᕆᔭᐅᕗᖅ ᐊᕐᕕᐊᑦ ᐱᓕᒻᒪᒃᓴᓂᕐᒧᑦ ᐱᒋᐊᕈᑕᐅᔪᒥᑦ ᐅᖃᐅᔾᔨᔨᐅᔪᓂᑦ ᑲᑎᙵᔪᓄᑦ.

 

ᑮᑦ ᐊᒻᒪᓗ ᓄᓕᐊᖓ ᓂᐅᕙᓐᓛᒻᒥᙶᖅᓯᒪᕗᑦ, ᑭᓯᐊᓂ ᐊᕐᕕᐊᑦ ᐊᖏᕐᕋᕆᓯᒪᓕᖅᐸᖓᑦ ᑕᐃᒪᙵᓂ 2011-ᒥᑦ.  ᑮᑦ, ᔫᓂᕘᓯᑎᒥ ᐱᐊᓂᒃᓯᒪᓂᑰᓪᓗᓂ, ᐱᓕᕆᓕᒪᓂᖃᖅᐳᖅ ᖃᐅᔨᓴᐃᓂᕐᒥᑦ ᐊᒻᒪᓗ ᐱᕙᓪᓕᐊᑎᑦᑎᓂᐅᔪᒥᑦ.

 

ᑮᑦ ᐊᑐᐃᓐᓇᐅᖏᓐᓇᐅᔭᖅᐳᖅ ᐱᓕᕆᔾᔪᑎᕙᒃᑕᒥᓄᑦ, ᐊᒻᒪᓗ ᕿᓃᓐᓇᐅᔭᖅᐳᖅ ᐱᓕᕆᐊᖑᔪᓂᑦ ᐊᒻᒪᓗ ᐱᔨᑦᑎᕋᕐᓂᐅᔪᓂᑦ ᐃᑲᔪᕈᓐᓇᖅᑐᓂ ᐊᕐᕕᐊᕐᒥᐅᓄᑦ ᐊᒻᒪᓗ ᑲᙳᓱᒃᐸᙱᓚᖅ ᐊᐱᕆᓂᕐᒧᑦ ᐃᑲᔪᖅᑕᐅᔪᒪᓂᐅᔪᒥᑦ, ᐱᔭᕆᐊᖃᕌᖓᑦ. ᐱᓕᕆᐊᒃᓴᒥᑦ ᐱᓕᕆᑐᐃᓐᓇᖅᐸᙱᓚᖅ ᐊᒻᒪᓗ ᑲᒪᒋᔭᕆᐊᖃᖅᑕᒥᓂᑦ ᓄᓇᓕᖕᓂ ᐱᕙᓪᓕᐊᔪᓕᕆᔨᐅᓂᕐᒧᑦ ᓄᓇᓕᖕᓂ ᐊᕐᕕᐊᕐᓂᑦ, ᑮᑦ ᐃᓚᐅᓯᒪᖃᑦᑕᖅᐳᖅ ᐊᒻᒪᓗ/ᐅᕝᕙᓘᓐᓃᑦ  ᐃᓚᒋᔭᐅᖃᑦᑐᖅᐳᖅ ᐊᔾᔨᒌᙱᑦᑐᓂᑦ ᐊᕕᒃᑐᖅᓯᒪᓂᐅᔪᓂᑦ ᐊᒻᒪᓗ ᓄᓇᕗᒻᒥ ᑲᑐᔾᔨᖃᑎᒌᖑᔪᓂᑦ ᐊᒻᒪᓗ ᖃᓄᐃᓕᐅᕐᓂᐅᔪᓂᑦ ᐃᑲᔪᖅᓱᐃᔪᓂᑦ ᐱᕙᓪᓕᐊᔪᓕᕆᓂᕐᒧᑦ ᐊᒻᒪᓗ ᐱᔪᓐᓇᕐᓂᕐᒧᑦ ᐱᕈᖅᓴᐃᓂᐅᔪᒥᑦ ᓄᓇᕗᒻᒥ. ᐅᑯᐊ ᐃᓚᖃᖅᐳᑦ ᑭᓯᐊᓂ ᑭᒡᓕᖃᙱᖦᖢᑎᒃ ᐅᑯᓄᖓ: 

  • ᑭᕙᓪᓕᕐᒥ ᐱᓕᕆᐊᓄᑦ ᑕᑯᒃᓴᐅᑎᑦᑎᓂᐅᔪᒧᑦ ᑲᑐᔾᔨᖃᑎᒌᖑᔪᓄᑦ (ᐊᕐᕌᒍᓄᑦ ᒪᕐᕉᖕᓂ ᐱᔨᑦᑎᕋᕐᓂᕐᒧᑦ ᐃᓚᒋᔭᐅᓪᓗᓂ ᑕᒪᐃᑎᒍᑦ ᐸᕐᓇᐃᓂᕐᒧᑦ ᑲᑎᒪᔨᕋᓛᓂᑦ, ᑕᑯᒃᓴᐅᑎᑦᑎᓂᐅᔪᓄᑦ ᑲᑎᒪᔨᕋᓛᓂᑦ, ᓂᐅᕕᐊᒃᓴᕆᔭᐅᔪᓐᓇᕐᓂᖏᓐᓄᑦ ᐊᒻᒪᓗ ᐋᔩᖃᑎᒌᖕᓂᕐᒧᑦ ᑲᑎᒪᔨᕋᓛᓄᑦ)

  • ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᑲᑎᒪᕕᒡᔪᐊᕐᓂᐅᔪᖅ (ᐊᕐᕌᒍᓄᑦ ᒪᕐᕉᖕᓂ ᐃᓚᐅᓂᕐᒧᑦ, ᑕᑯᒃᓴᐅᑎᑦᑎᔨᐅᓪᓗᓂ ᑕᐃᑲᓂ 2013-ᒥᑦ ᑲᑎᒪᕕᒡᔪᐊᕐᓂᐅᔪᒥᑦ)

  • ᑭᓗᒃ ᓕᒥᑎᑦ – ᓄᓇᕗᒻᒥ ᐱᕙᓪᓕᐊᓂᐅᔪᒥᑦ ᑯᐊᐸᕇᓴᓐ (ᐊᕐᕌᒍᒥᑦ ᐃᓚᒋᔭᐅᓪᓗᓂ ᑲᑎᒪᔨᖏᓐᓂᑦ)

  • ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᓐᓂ ᑲᑐᔾᔨᖃᑎᒌᖑᔪᑦ (ᐊᕐᕌᒍᓄᑦ ᒪᕐᕉᖕᓂ ᐃᓚᒋᔭᐅᓂᕐᒧᑦ ᐊᒻᒪᓗ ᓯᕗᓪᓕᕐᒥ ᐊᕐᕌᒍᕆᔭᖓᓂ ᑭᕙᓪᓕᕐᒧᑦ ᑲᑎᒪᔨᐅᓂᕐᒧᑦ)

  • ᐊᕐᕕᐊᑦ ᐅᔭᕋᖕᓂᐊᕐᕕᒃ ᐱᓕᒻᒪᒃᓴᓂᕐᒧᑦ ᑲᑎᙵᔪᓄᑦ (ᒪᕐᕈᖓᓂ ᐊᕐᕌᒎᔪᒥᑦ ᑕᒪᐃᑎᒍᑦ ᐊᐅᓚᑦᑎᔨᐅᓪᓗᓂ/ᐱᓕᕆᔨᐅᓪᓗᓂ ᑲᑎᙵᔪᓄᑦ)

  • ᑭᕙᓪᓕᖅ ᓄᓇᓕᖕᓂ ᐱᕙᓪᓕᐊᔪᓕᕆᔨᐅᔪᓄᑦ ᑲᑎᒪᒪᕕᒡᔪᐊᕐᓂᕐᓄᑦ (ᐊᕐᕌᒍᓄᑦ ᒪᕐᕉᖕᓂ ᐃᓚᐅᓂᕐᒧᑦ)

  • ᐊᒻᒪᓗ ᓱᓕᒃᑲᓐᓂᖅ. . .

 

2013-ᒥᑦ ᐊᕐᕌᒎᔪᒥᑦ, ᑮᑦ ᐃᑲᔪᖅᓯᒪᕗᖅ ᐊᒥᓱᓂᑦ ᐊᕐᕕᐊᒥᐅᑕᐅᔪᓂᑦ, ᑲᑐᔾᔨᖃᑎᒌᖑᔪᓄᑦ, ᓇᖕᒥᓂᖃᖅᑎᐅᔪᓄᑦ ᐊᒻᒪᓗ ᓇᖕᒥᓂᐅᔪᓄᑦ ᑲᑐᔾᔨᖃᑎᒌᖑᔪᓂᑦ ᓲᕐᓗ: ᓄᓇᕗᒻᒥ ᒐᕙᒪᒃᑯᓐᓂ ᐱᕙᓪᓕᐊᔪᓕᕆᓂᕐᒧᑦ ᐃᖏᕐᕋᔪᓕᕆᓂᕐᒧᓪᓗ, ᑭᕙᓪᓕᖅ ᐱᓕᕆᖃᑎᒌᒃᑐᓂᑦ ᐱᕙᓪᓕᐊᓂᕐᒧᑦ, ᓄᓇᖃᖅᑳᖅᓯᒪᔪᓄᑦ ᐊᒻᒪᓗ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒥᑦ ᑲᓇᑕᒥ, ᑭᕙᓪᓕᖅ ᐅᔭᕋᖕᓂᐊᕐᕕᒃ ᐱᓕᒻᒪᒃᓴᓂᕐᒧᑦ ᑲᑐᔾᔨᖃᑎᒌᖏᓐᓄᑦ, ᓄᓇᕗᑦ ᑐᙵᕕᒃᑯᑦ ᐊᖑᓇᓱᒃᑎᓄᑦ ᐃᑲᔪᖅᓱᐃᓂᐅᔪᒥᑦ ᐱᓕᕆᐊᖑᔪᒥᑦ, ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ ᐱᕙᓪᓕᐊᑎᑦᑎᓂᐅᔪᒥᑦ ᑲᓇᑕᒥ, ᓄᓇᕗᒻᒥ ᑎᑎᕋᐅᔭᖅᑕᐅᔪᓂ ᐊᒻᒪ ᓴᓇᐅᒐᓄᑦ ᑲᑐᔾᔨᖃᑎᒌᒍᒧᓄᑦ, ᐊᒡᓂᑯ ᐄᒍᓪ ᐅᔭᕋᖕᓂᐊᕐᕕᖓᓄᑦ ᐊᒻᒪᓗ ᐊᓯᖏᓐᓂ. 

 

ᑕᒪᒃᑯᐊ ᐊᒃᓱᕈᕈᑎᒋᔭᖏᑦ ᑐᕌᕐᓂᖃᖅᓯᒪᕗᑦ ᓴᖅᑭᑎᑦᑎᓂᐅᔪᒥᑦ ᐃᖏᕐᕋᐃᓐᓇᕐᓂᕐᒥᓪᓘᓐᓃᑦ ᐊᔾᔨᒌᙱᕈᓘᔭᖅᑐᓂᑦ ᐱᓕᒻᒪᒃᓴᓂᕐᒧᑦ ᐊᒻᒪᓗ ᐱᓕᕆᓂᐅᔪᓄᑦ ᐱᕙᓪᓕᐊᑎᑦᑎᓂᕐᒧᑦ ᐱᒋᐊᕈᑕᐅᔪᓂᑦ ᓄᓇᓕᖕᓂ, ᓲᕐᓗ:

  • ᐊᕐᕕᐊᑦ ᑕᐃᒪᓐᒧᑦ ᐃᑰᑕᕐᓂᐅᔪᒥᑦ ᐱᓕᒻᒪᒃᓴᓂᕐᒧᑦ ᐱᓕᕆᐊᖑᔪᒥᑦ

  • ᐊᕐᕕᐊᑦ ᐅᔭᕋᖕᓂᐊᕐᕕᒃ ᐱᓕᒻᒪᒃᓴᓂᕐᒧᑦ ᑲᑎᙵᔪᓄᑦ

  • ᖁᙱᐊᖅᑎᐅᓂᕐᒥᑦ ᐱᓕᒻᒪᒃᓴᓂᕐᒧᑦ ᖃᒡᒋᖅᑏᑦ ᖁᙱᐊᖅᑎᐅᔪᓄᑦ ᑲᑎᙵᔪᓄᑦ

  • ᑐᓴᖅᓴᐅᔪᓄᑦ ᐊᒻᒪᓗ ᓂᐱᓄᑦ ᐊᐅᓚᑦᑎᔨᐅᓂᕐᒧᑦ ᐱᓕᒻᒪᒃᓴᓂᕐᒧᑦ ᓄᓇᓕᖕᓂ ᐃᓕᓐᓂᐊᕐᕕᓄᑦ, ᕼᐋᒻᓚᒃᑯᓐᓄᑦ ᐃᖅᑲᓇᐃᔭᖅᑎᖏᓐᓄᑦ ᐊᒻᒪᓗ ᖁᙱᐊᖅᑕᐅᕙᒃᑐᓄᑦ ᑲᑎᙵᔪᓄᑦ

  • ᒥᑭᑦᑐᓄᑦ ᐅᒥᐊᕐᓄᑦ ᐊᐅᓚᑦᑎᔨᑦᑎᐊᕙᐅᓂᕐᒧᑦ ᐸᐃᑉᐹᖅᑖᕐᓂᕐᒧᑦ ᐅᒥᐊᖃᖅᑎᐅᔪᓄᑦ

  • ᐊᐅᓪᓚᕈᔾᔨᓂᕐᒥᑦ ᐱᓕᒻᒪᒃᓴᓂᕐᒧᑦ ᐃᓕᓐᓂᐊᕐᓂᐅᔪᓂᑦ ᐊᐅᓪᓚᖅᑎᑦᑎᔨᓄᑦ

  • ᓴᓇᙳᐊᒐᒃᓴᒧᑦ ᐅᔭᖅᑲᒥᑦ ᐱᓕᒻᒪᒃᓴᓂᕐᒧᑦ ᐱᓕᕆᐊᖑᔪᒥᑦ ᓄᓇᓕᖕᓄᑦ ᓴᓇᙳᐊᖅᑎᓄᑦ

  • ᐅᔭᕋᒃᓯᐅᕐᓂᕐᒧᑦ ᐱᓕᒻᒪᒃᓴᓂᕐᒧᑦ

  • ᐅᖁᒪᐃᑦᑐᓄᑦ ᓄᓇᓯᐅᑎᕐᔪᐊᓂᑦ ᐊᖁᑎᓄᑦ ᐱᓕᒻᒪᒃᓴᓂᕐᒧᑦ

  • ᐊᐅᖅᑭᒃᓯᔨᓄᑦ ᐸᐃᑉᐹᖅᑖᕐᓂᕐᒧᑦ ᐱᓕᕆᐊᖑᔪᒥᑦ ᓄᓇᓕᖕᒥᐅᑕᐅᔪᓄᑦ

ᐱᕙᓪᓕᐊᔪᓕᕆᔨᐅᔪᒥᑦ ᐊᕐᕌᒍᒥᑦ ᓂᕈᐊᖅᑕᐅᔪᖃᖃᑦᑕᖅᐳᖅ ᐊᕐᕌᒍᑕᒫᑦ.  ᓂᕈᐊᒐᒃᓴᐅᔪᓐᓇᕐᓂᕐᒧᑦ ᐱᕙᓪᓕᐊᔪᓕᕆᔨᐅᔪᒧᑦ ᐊᕐᕌᒍᒧᑦ, ᐃᓅᔪᖅ ᑭᐅᓂᖃᕆᐊᖃᖅᐳᑦ ᐃᓕᓴᕆᔭᐅᔪᓐᓇᕈᑎᓂᑦ ᐊᒻᒪᓗ ᓂᕈᐊᖅᑕᐅᓗᓂ ᐊᓯᐊᓂᑦ ᐃᓚᒋᔭᐅᔪᒥᑦ ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᓐᓂ ᑲᑐᔾᔨᖃᑎᒌᖑᔪᓂᑦ.

ᑕᒪᕐᒥᒃ ᓂᕈᐊᖅᑕᐅᔪᑦ ᓇᓗᓇᐃᖅᑕᐅᕙᒃᐳᑦ ᐅᑯᓂᖓ ᒪᓕᒃᑐᓄᑦ ᐃᓕᓴᕆᔭᐅᔪᓐᓇᕈᑎᓂᑦ:

  • ᐊᑯᓂᐅᓂᖓᓂ ᐱᔨᑦᑎᕋᕐᓂᕐᒧᑦ ᐱᕙᓪᓕᐊᔪᓕᕆᔨᐅᔪᒥᑦ

  • ᐊᖏᓂᖓᓂ ᐊᒻᒪᓗ ᖃᓄᐃᑦᑑᓂᖓᓂ ᐱᔨᑦᑎᕋᕐᓂᐅᔪᒥᑦ ᑐᓂᓯᔪᒥᑦ ᓄᓇᓕᖕᓄᑦ ᐊᒻᒪᓗ ᐱᓕᕆᔾᔪᔾᔨᕙᒃᑕᒥᓄᑦ

  • ᓄᓇᓕᖕᓂ ᐃᓚᐅᓂᐅᔪᒥᑦ

  • ᐃᓚᐅᓂᖓᓂ ᓄᓇᕗᒻᒥ ᐱᕙᓪᓕᐊᔪᓕᕆᔨᓄᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᐱᓕᕆᖃᑎᖃᕐᓂᐅᔪᒥᑦ ᐱᕙᓪᓕᐊᔪᓕᕆᔨᐅᖃᑎᒥᓂᑦ

  • ᐊᖏᖅᓯᒪᓂᖃᖅᑐᖅ ᐱᕙᓪᓕᐊᔪᓕᕆᓂᕐᒧᑦ ᐃᖅᑲᓇᐃᔮᖃᕐᓂᕐᒧᑦ ᓄᓇᕗᒻᒥ

  • ᐊᖏᖅᓯᒪᓂᖃᖅᑐᖅ ᐃᖅᑲᓇᐃᔮᒥᓂᑦ ᐱᓕᕆᑦᑎᐊᕈᒪᓂᐅᔪᒥᑦ ᐱᕙᓪᓕᐊᑎᑦᑎᓂᐅᔪᒥᑦ