Home >> News >> ᓄᑖᒥᑦ ᐃᓱᒻᒥᖅᑐᐃᔨᒥᑦ ᐃᖅᑲᓇᐃᔭᖅᑎᑖᖅᑐᑦ

ᓄᑖᒥᑦ ᐃᓱᒻᒥᖅᑐᐃᔨᒥᑦ ᐃᖅᑲᓇᐃᔭᖅᑎᑖᖅᑐᑦ

ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᓐᓂ ᑲᑐᔾᔨᖃᑎᒌᖑᔪᑦ ᖁᕕᐊᑉᐳᑦ ᐅᖃᐅᓯᖃᕐᓂᕐᒧᑦ ᕼᐋᓪ ᑎᒪᐅᕐ ᐃᖅᑲᓇᐃᔭᖅᑎᐅᓕᕐᓂᖓᓂ ᐃᓱᒻᒥᖅᑐᐃᔨᐅᓪᓗᓂ ᐃᓇᖏᖅᓯᓂᐊᖅᑐᒥᑦ ᒫᒃ ᒧᐊᕋᓯᒥᑦ ᕿᒪᐃᓂᐊᓕᖅᑐᒥᑦ ᑲᑐᔾᔨᖃᑎᒌᖑᔪᓂᑦ ᕕᕈᐊᕆᐅᑉ ᓄᙳᐊᓂ.

ᕼᐋᓪ ᐋᓪᓚᐅᙱᑦᑎᐊᖅᑐᖅ ᐅᑭᐅᖅᑕᖅᑐᒧᑦ, ᐃᓱᒻᒥᖅᑐᐃᔨᐅᕙᓚᐅᖅᖢᓂ ᕿᑭᖅᑖᓗᖕᒥ ᓇᖕᒥᓂᖅ ᐃᖅᑲᓇᐃᔭᕐᕕᓕᖕᓄᑦ ᑲᑐᔾᔨᖃᑎᒌᖏᓐᓄᑦ (BRCC) ᐊᕐᕌᒍᓄᑦ 8-ᓄᑦ.  ᓇᒃᓴᖅᐳᖅ ᐊᖏᔪᒻᒪᕆᖕᒥ ᐱᓕᕆᓕᒪᓂᐅᔪᒥᑦ ᑮᓇᐅᔭᓕᐅᕈᑕᐅᔪᓐᓇᖅᑐᒥᑦ ᐊᒻᒪᓗ ᓇᖕᒥᓂᕆᔭᐅᔪᓄᑦ ᐱᕙᓪᓕᐊᑎᑦᑎᓂᐅᔪᒥᑦ ᑎᑭᐅᒪᔪᓄᑦ ᐊᕐᕌᒍᓄᑦ 25-ᓄᑦ.  ᐱᓚᐅᖅᑎᓪᓗᓂᐅᒃ BA-ᖓᓂ ᓇᖕᒥᓂᕆᔭᐅᔪᓄᑦ ᐊᐅᓚᑦᑎᓂᕐᒥᑦ ᐊᒻᒪᓗ ᓂᐅᕕᕐᕕᖃᕐᓂᐅᔪᓄᑦ ᐱᕙᓪᓕᐊᑎᑦᑎᓂᕐᒥᑦ, ᐃᖅᑲᓇᐃᔭᕆᐊᓚᐅᖅᐳᖅ ᐱᕙᓪᓕᐊᑎᑦᑎᓂᐅᔪᒥᑦ ᖃᓄᐃᓕᐅᖅᐸᓪᓕᐊᓯᒪᓂᐊᕐᓗᓂ ᐸᕐᓇᐅᑎᓂᑦ ᐊᔾᔨᒌᙱᕈᓘᔭᖅᑐᓂ ᐱᓕᕆᓂᐅᔪᓂᑦ, ᐱᓗᐊᖅᑐᒥᑦ ᑐᙵᓵᕆᓂᐅᔪᒥᑦ ᐊᒻᒪᓗ ᓂᐅᕕᐊᒃᓴᖃᕐᓂᐅᔪᓂᑦ ᐱᓕᕆᓂᐅᔪᓂᑦ.

ᐊᖏᔪᐊᓗᖕᒥᑦ ᐊᐅᓚᑦᑎᓂᕐᒧᑦ ᐱᓕᕆᓕᒪᓂᖃᕆᕗᖅ ᖃᔅᓯᒐᓚᖕᓂ ᖃᓄᐃᑦᑑᓂᖏᓐᓂᑦ ᓂᐅᕕᕐᕕᐅᒧᓄᑦ ᓇᖕᒥᓂᕆᔭᐅᔪᓄᑦ, ᑐᙵᓵᕆᓂᕐᒧᑦ ᐱᓕᕆᓂᐅᔪᒥᑦ ᐊᒻᒪᓗ ᐊᓯᖏᓐᓂᑦ ᐱᓕᕆᓂᐅᔪᓂᑦ. ᐊᔾᔨᒌᙱᕈᓘᔭᖅᑐᒥ ᐱᓕᕆᓕᒪᓂᖓ ᑎᑭᐅᒪᕗᑦ 8+ ᐊᕐᕌᒍᓂᑦ ᕿᑭᖅᑖᓗᖕᒥ ᓇᖕᒥᓂᖅ ᐃᖅᑲᓇᐃᔭᕐᕕᓕᖕᓄᑦ ᑲᑐᔾᔨᖃᑎᒌᖏᓐᓄᑦ ᐅᖃᐅᔾᔨᔨᐅᓂᕐᒧᑦ ᓯᓚᕐᔪᐊᒥᑦ ᐱᓕᕆᐊᖑᔪᒥᑦ ᐊᐅᓚᑦᑎᓂᕐᒧᓪᓗ ᐊᒻᒪᓗ ᓇᖕᒥᓂᖃᕐᓂᕐᒧᑦ ᖃᔅᓯᒐᓚᓂᑦ ᓇᖕᒥᓂᕆᔭᖏᓐᓂᑦ.

ᑲᑎᓪᓗᒍ ᐊᕐᕌᒍᓄᑦ 11-ᓄᑦ, ᓄᓇᕗᒻᒥ ᐊᖏᕐᕋᖃᖅᓯᒪᕗᖅ ᐃᓱᒪᒋᖕᒪᒍ ᐃᓚᒋᔭᐅᓂᖓᓂ ᖃᔅᓯᐊᕐᔪᖕᓂ ᓄᓇᐅᔪᓂ ᐃᓅᔪᖅ ᓱᓕ ᐊᓯᔾᔩᔪᓐᓇᕐᓂᖓᓂ.

ᐃᓚᐅᖃᑕᐅᒋᔅᓯ ᑐᙵᓱᒃᑎᑦᑎᓂᕐᒧᑦ ᕼᐋᓪᒥᑦ ᐃᓂᒋᔭᐅᔪᒧᑦ.